A hərifi ilə başlayan atalar sözləri

• Abad məclis aşığından bəllidir.
• Abadan kənd tüstüsündən bəlli olar.
• Abbas Abbasdan, Abbas da kor Abbasdan.
• Abbasını bəyənməyən beş şahı çıxardar.
• Abdaldan paşa olmaz, taxtadan maşa.
• Abdal at mindi, özünü bəy sandı.
• Abdal düyündən, uşaq oyundan usanmaz.
• Abdal oynayanda qar yağar.
• Abır istəsən çox demə, sağlıq istəsən çox yemə.
• Abır harda, çörək orda.
• Abırsızdan abrını saxla.
• Ac acı dalayar, tox toxu yalayar.
• Ac adam özünü oda vurar.
• Ac adamı qurd yeməz.
• Ac ayı oynamaz.
• Ac əlinə düşəni yeyər, tox ağzına gələni deyər.
• Ac it gəlmiş, tox itin dalın yalayar.
• Ac toyuq yuxusunda darı görər.
• Aca doqquz yorğan bürüyüblər, genə yuxulaya bilməyib.
• Aca nə halal, nə haram?!
• Acı dindirmə, toxu tərpətmə.
• Acın andı and olmaz.
• Acın gözü çörək təknəsində olar.
• Acın imanı olmaz, toxun amanı.
• Acın qarnı doyar, gözü doymaz.
• Acın zəhləsi sudan gedər.
• Acla əcəli gələn söyləşər.
• Aclığında eldən yeyər, toxluğunda eldən deyər.
• Aclıq adama oyun öyrədər.
• Aclıq bir il gedər, minnət min il.
• Aclıqda darı çörəyi halvadan şirin olur.
• Aclıqdan quduranı saxlamaq olar, toxluqdan quduranı saxlamaq olmaz.
• Acı danışan şirin söz eşitməz.
• Acını dadmayan şirini bilməz.
• Acıq gələr göz qaralar, acıq gedər üz qaralar.
• Acıqla iş görən zərərin çəkər.
• Acıqlı başda ağıl olmaz.
• Acıqlı dilənçinin torbası boş qalar.
• Acıqlı qalxan ziyanlı oturar.
• Açaram sandığı, tökərəm pambığı.
• Açılmamış süfrənin bir eybi var, açılmışın min.
• Ad adamı bəzəməz, adam adı bəzəyər.
• Adam adamın şeytanıdır.
• Adam aşını-işini bilməlidir.
• Adam hər düşməndən bir ağıl öyrənər.
• Adam min acını udar bir şirinin xatirinə.
• Adam olana bir söz yetər.
• Adam olmayan başqalarını adam saymaz.
• Adam öz-özünə eliyəni el yığıla eliyə bilməz.
• Adam paltar ilə tanınmaz.
• Adam sözdən, uşaq gözdən.
• Adam yanıla-yanıla öyrənir.
• Adam var ki, adamların naxışıdı, adam var ki, heyvan ondan yaxşıdı; adam var ki, dindirsən can deyər, adam var ki, dindirməsən yaxşıdı.
• Adamı dindir, sonra qiymətini ver.
• Adamı qılınc öldürməz, tənəli söz öldürər.
• Ağ ağca qara gün üçündü.
• Ağa dediyin nədir, bəyənmədiyin nədir?
• Ağa ilə bostan əkənin tağı çiynində bitər.
• Ağa ilə xanım savaşdı, arada nökərin canı çıxdı.
• Ağac bar verdikcə başını aşağı əyər.
• Ağıllı bir dəfə aldanar.
• Ağıllı fikir edincə, dəli Kürdən keçər.
• Ağıllı fikirləşincə, dəlinin oğlu bazara gedər.
• Ağıllı işinə baxar, axmaq dişinə.
• Ağıllı kişi qışın qeydinə yayda qalar.
• Ağıllı olub dərd çəkincə, dəli ol dərdini çəksinlər.
• Ağıllı yoxsul axmaq varlıdan yaxşıdır.
• Ağır günün daşı ağır olar.
• Ağlı olan, qışın qeydinə yayda qalar.
• Ağzına bax tikə kəs.
• Axtaran tapar, Yoğuran yapar.
• Alət işlər, əl öyünər, Qılınc işlər, qol öyünər.
• Allah bir yandan bağlasa, bir yandan açar.
• Allah verəndə yox yerdən verər.
• Allah verməyəndə, bəndə neyləsin?
• Alma öz ağacından uzaq düşməz.
• Analı qızın işi görünər, anasız qızın dişi.
• Ananın ərköyün oğlu hambal olar.
• Anlayan düşmən anlamaz dostdan yaxşıdır.
• Araq adamı ardan da qoyar, yardan da.
• Arif olan buluddan da nəm çəkər.
• Arı yuvasına çöp uzatmazlar.
• Arıq hara, qoruq hara.
• Arzu niyyətdən doğar.
• Aslanın nə erkəyi, nə dişisi.
• Asta gedən yorulmaz.
• At oğurlanandan sonra axur nəyə gərək.
• At olmayan yerdə eşşək də atdır.
• At ölüb, itlərin bayramıdır.
• Ata, ana tərbiyə etməyəni həyat tərbiyə edər.
• Atası turşu yemiş, balasının dişi qamaşmış.
• Atasını tanımayan Allahını da tanımaz.
• Atasının gözünü çıxardıb, adını qoyub Koroğlu.
• Atı qamçı aparmaz, arpa aparar.
• Avara qonaq ev yiyəsini də avara qoyar.
• Ayağı nərdivana bir-bir qoyarlar.
• Aydınlıq olmayınca kişinin mindiyi atmıdır, eşşəkmidir, bilinməz.
• Az bilmək istəmirsənsə, çox oxu.
• Az yeyənin azarı da az olar.
• Az olsun, üz olsun.
• Az olsun saz olsun.
• Aza qane olmayan yoxa çatmaz.
• Azğınla-pozğuna öyüd-nəsihət kar eləməz.
• Ağıl ağıldan üstün olar.
• Ağıl yaşda olmaz, başda olar.
• Ağıllı baş hər şeydən mənfəət götürər.
• Ağıllı qəm yeyər, ağılsız qamçı.
• Ağalıq verimlədir, igidlik vurumla.
• Ağac əyildi, sındı, igid əyildi, öldü.
• Aydan arıyam, sudan duru.
• Alıcı quş dimdiyindən bilinər.
• Alnım açıq, üzüm ağ.
• Araba qoş, çarxa dur, Mərd igidə arxa dur.
• Asta vur, Rasta vur.
• At ət ilə, igid don ilə.
• At ölər nalı qalar, İgid ölər namı qalar.
• Ağıllı düşmən nadan dostdan yaxşıdır.
• Arxalı köpək qurd basar.
• Abadan kənd tüstüsündən bilinər.
• Ağac dibindən su içər.
• Ağacı içindən qurd yeyər.
• Ağac meyvəni dəyənə qədər böyüdər.
• Ağac olan yerdə budaq sınar.
• Ağac səmtinə yıxılar.
• Ağac sınanda budaq nəyə gərəkdir?!
• Ana kimi yar olmaz, Vətən kimi diyar.
• Anasından ayrı düşən quzunu qurd yeyər.
• Asılsan da uca budaqdan asıl.
• Ana, bala ucundan canını oda yaxar.
• Ana qarnında necə qalıbsan?
• Anadan əziz yenə anadır.
• Anadan əmdiyim süd burnumdan gəldi.
• Analar bizi bu gün üçün doğub.
• Analı qızın özü böyüyər, Anasız qızın sözü böyüyər.
• Analı quzu, Xınalı quzu.
• Anan, bacın kimdir? - Yaxın qonşum.
• Ananın səbri tükənməz olur.
• Anasızın gördüyü iş danlaqsız bitməz.
• Anası gəzən ağacları balası budaq-budaq gəzər.
• Anasına bax qızını al, Qırağına bax bezini al.
• Ata-ana qədrini bilməyən, yadın qədrini nə bilər.
• Ata-anamı itirdim. Özümü yara yetirdim.
• Ata-anasına xeyri olmayanın, elə nə xeyri.
• Ata-ana sözünə baxmayan xoş gün görməz.
• Ata-ananın canı övlada bağlı olar.
• Ataya oğul, anaya qul.
• Ata malına göz dikən ac olar.
• Atam ilə atanı deyincə, özüm ilə özünü de.
• Atam gündəni sayır, anam gündədən kəsir.
• Atan soğan, anan sarımsaq, sən hardan oldun belə gülbəşəkər?
• Ata olmasan, ata qədri bilməzsən.
• Atı atası ilə tanıdarlar, qatırı anası ilə.
• Ağzının qaytanı yoxdur.
• Adam var gözdən qızar, Adam var sözdən qızar.
• Adam odur ilqarından dönməyə.
• Adam yıxıldığı yerdən qalxar.
• Adın nədir? - Rəşid! Birin de, birin eşit!
• Adamın üzünə baxarlar, halını xəbər alarlar.
• Ara sözü ev yıxar.
• Ağzı əyrini boynunun ardından tanımaq olar.
• Arifə bir işarə, qanmaza min toppuz.
• Adam adam sayəsində adam olar.
• Adamın gərək dili ilə ürəyi bir ola.
• Adamın tamarzısı, Hər kəsin öz arzusu.
• Ayın beş gün qaranlığı olanda, beş gün də aydınlığı olar.
• Allaha əl çatmır, padşaha söz.
• Allahdan buyruq, Ağzıma quyruq.
• Alnı açıq, üzü ağ; dərd-qəmi yox, kefi çağ.
• Aman istəyənin boynun vurmazlar.
• Arzu bir, ümid iki.
• Atalar gözəl demişlər: "Dünyanı ümid ilə yemişlər".
• Atın izi itin izinə qarışmaz.
• Ac toyuq yuxuda darı görər.
• Abdalın qarnı doyunca, gözü qapıda qalar
• Abırlı abrlndan çəkinər, abırsız nədən çəkinər.
• Abırsızdan abrını gözlə.
• Ağa gətirər navala, xanım tökər çuvala.
• Ağa Nəzərəm, belə gəzərəm, bir vuranda qırxın əzərəm.
• Ağzına çullu dovşan sığışmır.
• Ağıl çox - pul yox, ağıl yox - pul çox.
• Ağıllı olan bir dəfə aldanar.
• Ağır otur, batman gəl.
• Adam var ki, adamların naxşıdır, Adam var ki, dindirməsən yaxşıdır.
• Adam olmayan yerdə adamdır.
• Adamın başına nə bəla gəlsə, dilindən gələr.
• Adı it dəftərində də yoxdur.
• Az idi arıq-uruq, biri də gəldi dabanı yarıq.
• Aza qane olmayan, çoxa çatmaz.
• Ay doğar gədiyindən, Utan bir dediyindən.
• Ayı qandı, abid qanmadı.
• Al - ver deyiblər, al vermə deməyiblər.
• Ala itdən məşhurdur.
• Aldığını verməz, bildiyini deməz.
• Alim olmaq asandır, adam olmaq çətin...
• Artıq tamah baş yarar.
• Arı yeyib, namusu atıb dalına.